FANDAHARANA
-
- Salamo 130:1-6
- Hira 5 (FFPM)
- Vavaka
- Hira 482/4.5 (FFPM)
- Soratra Masina : Joba 42:1-6
- Hira 334/1 (FFPM)
- HAFATRA
- Vavaka + RZA
- Fanekem-Pinoana 1
- Hira HF8/2
- Tsodrano
Joba 42:1-6
Konteksta
Joba nilaozan'ny fifaliana ary tonga tamin'ny fijaliana. Nilaozan'ny harena ka tonga tamin'ny fahantrana.
Joba 40-42: Fihaonany manokana amin'Andriamanitra ka anehoany faharesen-dahatra ho tsinontsinona eo anatrehan'Andriamanitra.
Joba 42:1-6: Teny farany nataon'i Joba mialoha ny famaranan'Andriamanitra ny asany taminy ary ny nahafatesany (Joba 42:7-17).
Mihavao ao amin'ny Tompo ny mino ary mihavao hatramin'ny farany. Ireto no dingam-pihavaozan'i Joba mialoha ny nahafatesany:
1 - Manaiky ny fahalehibiazan'Andriamanitra (andininy 1-2)
Joba 42:1-2
Ny fahalehibiazan'ny asan'Andriamanitra sy ny drafitr'asany.
FAMPIHARANA:
Ny olona tsy mijery afa-tsy ny fahoriany dia voafetra. Tafahitsoka fa tsy mihavao.
Ny olona miondrika amin'ny fahavoazany dia voafetra. Faribolana kely manodidina no sisa heveriny: Tavela eo izy.
- Ohatra: Asafa (Salamo 73).
- Ohatra: Jesoa Kristy "Nahoana no dia nahafoy ahy IANAO?"
ANTSO:
Ny olona mibanjina an'Andriamanitra miasa sy misaina ny momba azy no afaka hihavao (Jeremia 29:11 ).
2 - Manaiky hianatra (andininy 3-5)
Joba 42:3-5
Miara-manaiky isika fa ny fianarana dia manavao sy mampandroso.
- Ohatra 1: Mpanarato trondro rehefa nanaiky ho mpianatra dia lasa mpanarato olona.
- Ohatra 2: Timoty nianatra ny Soratra Masina fony vao zaza dia tonga mpitondra fiangonana.
Joba niainga teo amin'ny tsy fahalalana, nanomboka teo amin'ny fandrenesana ka tonga tamin'ny fahitana: Nihavao sy nitombo tamin'ny fahalalana sy ny fifandraisana tamin'Andriamanitra izy.
FAMPIHARANA:
Olona mionona amin'ny fandrenesana ka tsy mihavao. Tsy mety ho tafahaona amin'ny Tompo.
ANTSO:
Ny olona mianatra mandrakariva sy mitombo fifandraisana amin'ny Tompo no afaka hihavao.
3 - Manaiky ny fahadisoana (andininy 6)
Joba 42:6
Fatra-panome tsiny sy nifanditra lava tamin'Andriamanitra i Joba nandritra ny fijaliany. Ety am-pamaranana dia manaiky ny fahadisoany tamin'izany izy.
- Ohatra: Asafa ihany "Ketrina aho ka tsy nahalala, eny biby teo anatrehanao aho" (Salamo 73:22).
FAMPIHARANA:
Raha misy olona tsy anantenam-pivoarana dia ny olona tsy manaiky diso. Raha misy olona tsy anantenam-pihavaozana dia ny mpanamarin-tena.
ANTSO:
Ny olona manaiky ny fahadisoany ary mamela ny fahamarinan'Andriamanitra hanavao azy no afaka hihavao.
