Archives de la catégorie: Toriteny

Toriteny alahady maraina na fanompoam-pivavahana hafa

Romana 8 :14 : « Fa izay tarihin'ny Fanahin'Andriamanitra no zanak'Andriamanitra ».

Ny hafatry ny Tompo ho antsika anio dia faran’izay tsotra , faran’izay tsotra am-pitenenana, fa asa na firy amintsika no efa mampiatra azy. Ny hafatry ny Tompo anio maraina dia hoe : METEZA TARIHIN’NY FANAHY MASINA AMIN’IZAY.

Marina ihany, fa marina tapany ny filazan’ny secte antsika Fjkm sy Flm hoe tsy manana ny Fanahy Masina. Tsia ry havana : manana ny Fanahy Masina isika, nasiana tombon-kase an’ny Fanahy Masina isika, fa saingy tsy mety, tsy manaiky tarihin’ny Fanahy Masina isika. Izay ny probleme-tsika. Dia izay no anaovany hoe Fiangonana tsy manana ny Fanahy Masina ireo. Ry zareo koa manana ny Fanahy Masina ohatrantsika, saingy izao : tsy ampy fahalalana izy, dia misy fanahy misosoka, mampiteny amin’ny teny hafahafa ; tsy hoe akory rehefa manana ny Fanahy Masina, feno ny Fanahy Masina dia tsy maintsy miteny amin’ny teny tsy fantatra : fampianaran’ny devoly izany. Ary koa dia misy fahagagana isan-karazany hoe vokatry ny asan’ny fanahh, indrindra amin’ireny fiangonana antsoina hoe karismatika ireny : tena endriky ny famitahana ataon’ny devoly amin’izao andro farany izao ireny.
Fa ny hafatra ho antsika dia hoe : ianao zanak’Andriamanitra, nasiana tombo-kase amin’ny Fanahy Masina, METEZA AMIN’IZAY MBA HO TARIHIN’NY FANAHY MASINA.
Ahoana ary izany hoe tarihin’ny Fanahy Masina izany ?

Fahamarinana 1 : NY OLONA MANAIKY TARIHIN’NY FANAHY MASINA DIA OLONA MPANOKATRA BAIBOLY SY OLON’NY VAVAKA
Indray mandeha izahay nandeha tany Isalo, dia eo amin’ilay mpivarotra ticket fidirana ao amin’ilay parc, dia rehefa maka ticket dia hoe tsy maintsy maka ihany koa guide hitarika anao. Dia izay ilay asan’ny Fanahy Masina : rehefa tonga ao amin’ny parc Isalo ianao na any amin’ny parc hafa, tsy ho tonga ao an-tsainao mihitsy ny hoe tsy haka guide fa aleo handeha amin’izao. Dia alaivo sary an-tsaina hoe misy olona nandoa ilay billet hiditra ao amin’ny parc Isalo, dia hoe handoa an’ilay guide, dia teneniny ilay guide hoe « mipetraha ianao ». Izay no ataontsika amin’ny fiainantsika kristiana : zanak’Andriamanitra isika, fa ny Fanahy Masina apetrantsika eo, hany ka tsy misy fiainana kristiana vanona satria Andriamanitra Ray izay namorona, nahary an’izao tontolo izao, ary rehefa simban’ny fahotan’izao tontolo izao izay rehetra eo aminy, dia nandefasany an’i Jesoa Kristy hanavotra, amin’izao fotoana izao, noraisin’ny zanany izay any an-danitra, nandefa aty amintsika ny Fanahy Masina mba handehanantsika mendrika ny fiantsoana hoe zanaka. Ary rehefa tsy manana ny Fanahy Masina ianao, anarana fotsiny ny maha-zanaka anao, fa ny fiainanao, fiainana jentilisa, ary toa ny mandeha irery ianao, tsy manan-dray. METEZA HO TARIHIN’NY FANAHY MASINA.
Ary rehefa miteny isika hoe METEZA HO TARIHIN’NY FANAHY MASINA, ahoana ny fanatanterahana an’izany ? Zavatra roa efa fantatsika : ny olona tarihin’ny Fanahy Masina, satria ny Fanahy Masina no mampatsiahy izay efa notenenin’i Jesoa antsika, ny olona tarihin’ny Fanahy Masina dia olona mpanokatra Baiboly. Aza manantena ianao, aza mihevitra ianao hoe « izaho tsy mamaky Baiboly fa tena henoko be mihitsy ny Fanahy Masina tao anatiko tao nitarika ahy tamin’izao ». Sokafy ny Baiboly, vakio ny Baiboly, saino ny Baiboly, tandremo ny tenin’Andriamanitra.
Faharoa manarakaraka izany, ny olona tarihin’ny Fanahy Masina dia olon’ny vavaka. Ao izy roa : olon’ny Baiboly sy olon’ny vavaka. Amin’ny alalan’ny vavaka ny Fanahy Masina no mitari-dalana anao : iry ny lalanao na iry ny lalanao, na izao atao.

Izay ny fahamarinana 1 : METEZA HO TARIHIN’NY FANAHY MASINA AMIN’IZAY : VAKIO NY BAIBOLY, AMPITOMBOY NY FIAINAM-BAVAKA DIA HIASA AO AMINAO NY FANAHY MASINA HITARIKA ANAO, ARY REHEFA MITARIKA ANAO IZY, NY HITARIHANY ANAO VOALOHANY DIA HOE IANAO ANIE TSY KAMBOTY FA MANANA RAY TENA TIA, MANANA RAY MAHERY. Reharehantsika tamin’ny mbola kely, na reharehan’ny zanatsika hoe « dadanay ohatran’izao, na dadanay ohatran’izao, j’ai le meilleur papa du monde, j’ai le plus beau papa du monde, j’ai le papa le plus fort du monde ». Nous avons un héros comme Papa. Fa izany, Zefania izany, fa tsy fiainanao izany, satria tsy tarihin’ny Fanahy Masina ianao. Meteza ary ho tarihin’ny Fanahy Masina amin’izay, sokafy ny Baiboly ary ampitomboy ny fiainam-bavaka, dia hanana Ray tena mi-guidé anao eo amin’ny fiainanao ianao, tsy ho diso lalana ianao, fa ny lalanao mizotra mivantana ho any an-danitra, ary any an-dalana ianao hifaly amin’ity fiainana ity, hifaly amin’ny paysage izay asehony anao eo amin’ny andavan’androm-piainanao.

Fahamarinana 2 : NY OLONA MANAIKY HO TARIHIN’NY FANAHY MASINA DIA MAMELA AN’ANDRIAMANITRA HI-CONTROLER NY FIAINANY
Zavatra tsy tiantsika izany hoe Andriamanitra avelantsika hi contrôler ny fiainantsika izany. Nahafinaritra ny toriteny iray nanao hoe, raha ohatra ianao tena manaiky hoe tarihin’ny Fanahy Masina, « il faut que tu apprennes à lâcher prise », fa avelao Andriamanitra hi-contrôler ny fiainanao. Raha lazaina amin’ny teny hafa ilay « lâcher prise » dia hoe : eo izany ny Fanahy Masina hitarika anao, manoro lalana hoe andao, mandray anao amin’ny tanany ; dia hoe raha mbola hoharina amina tômôbile en panne ianao, dia tonga avy any ilay remorque, fatorana ilay izy dia remorqué-na ianao, ilay olona tsy mi-lâché prise, ilay olona tsy mamela an’Andriamanitra hi-contrôler ny fiainany, io ilay remorque sy ilay chauffeur mi-dépanné anao, mitarika anao, ianao mbola manitsaka frein ihany. Sady tsy fantatrao hoe avelao tarihin’ny Fanahy Masina ianao, mbola manitsaka frein ianao. Izay ilay izy : manitsaka frein ianao. Ary maro ny kristiana sady tsy tarihin’ny Fanahy Masina, na efa mba tarihin’ny Fanahy Masina no manitsaka frein. Ahoana moa izany hoe manitsaka frein izany ry havana ? Manana an’izay eritreritrao ianao amin’ny fiainanao : « izaho izao mba te ho mpampianatra, izaho izao mba te ho paramed, izaho izao mba te ho mécanicien, sy ny karazany ; izaho mba te hanana trano ohatran’izao, izaho mba te hanana tômôbile ohatran’izao, izaho mba te ho diakona, izaho mba te ho président-na Sampana, izaho izao sy izao sy izao… » Manana projet ianao ao amin’ny fiainanao, dia inona ny zavatra mitranga ? Ianao mieritreritra hoe izay ilay projet-anao eo amin’ny fiainanao, dia ny herinao rehetra atontonao, ny fotoananao rehetra, ny maha-izy anao rehetra atontonao hanatanterahana izany projet-nao izany ; nefa ianao mba mivavaka ihany hoe « Ray ô, tsy ny sitrapoko fa ny sitraponao » ; vavaka izany, fa rehefa mba te hiditra an-tsehatra ao amin’ny fiainanao Andriamanitra, satria mamindra fo aminao Izy, tanany amin’ny teninao ianao hoe : « aoka ny sitraponao Andriamanitra fa tsy ny sitrapoko », mi-freine ianao.
Fifidianana izao isika atsy ho atsy, misy olona ry havana, ao aminy ny hanompo an’Andriamanitra, ary cas tena nisy tany Frantsa tany : te hanompo an’Andriamanitra izy, dia miresaka amin’ny namany eo, hoe izaho mba handeha hirotsaka amin’izay amin’ny fifidianana manaraka eo. Dia miteny amin’ilay namany eo izy hoe fa izao kosa aloa, izaho raha vao tsy président eo dia tsy mahavita. Hitanareo, izay ilay hoe rehefa te hanompo ianao, dia Andriamanitra no manondro anao izay sokajim-panompoana efa nomaniny ho anao. Fahasoavana no namonjena antsika mba handehanantsika amin’ny asa izay omanin’Andriamanitra mba ho alehantsika. Izaho voavonjy dia efa misy asa apetrany ho ahy eo ; ary ny anjarako dia mangataka amin’ny Tompo hoe : « Ray ô, atoroy ahy ary izay sokajim-panompoana tianao hanompoako ». Ry havana ô, hainao tsianjery ny hoe Andriamanitra manana hevitra hieverana anao dia hevitra hahatonga fiadanana fa tsy loza, fa eee, eee, any amin’ny Jeremia no misy an’izany fa tsy eo amin’ny fiainako no misy an’izany. Fa rehefa mba manoro lalana Andriamanitra dia mi-freine aho, mi-freine aho. Mi-freine aho ka tsy tarihin’Andriamanitra.
Fa izao no hafatry ny Tompo amintsika ry havana : aza mi-freine intsony ; ary avelao Izy hi-contrôle ny fiainanao, fa manana hevitra hiheverana anao Izy. Io Ray izay hoe mahery io, manana ny fahefana rehetra ety ambonin’ny tany, ary manana programa Izy hanatanterahana izany fahefana izany. Jereo ny Mpitoriteny 3 : 11 : « Ny zavatra rehetra samy nataony ho mendrika amin’ ny fotoany avy ». Maninona no tsy avelako hi-contôle ny fiainako Andriamanitra ? Satria tsy mifanaraka amin’izay eritreritra momba ny fiainako izany ; izay ilay izy ry havana. Ary tsy avelako mi-contrôle ny fiainako Izy satria matahotra ny ampitso aho ry havana. Matahotra ihany koa sao tsy tanteraka ny programako. Fa izao : Andriamanitra mahery, Andriamanitra héros io anankinanao ny fiainanao io, ary rehefa ankininao Aminy ny fiainanao, n’inon’inona mitranga eo amin’ny fiainanao, hoy ny Mpitoriteny 3 : 11 : « Ny zavatra rehetra samy nataony ho mendrika amin’ ny fotoany avy » : ny zavatra rehetra mitranga amin’ny fiainanao dia ataony mendrika amin’ny fotoany avy. Ny andro nahaterahanao, tsy ianao no nisafidy azy ; ny andro ahafatesanao, tsy ianao no misafidy azy. Ataony mendrika izany amin’ny fotoany. Ianao mihomehy io anio, ataony amin’ny fotoany izany ; ianao mitomany io anio, ataony amin’ny fotoany izany ; ianao mandihy anio, ataony amin’ny fotoany izany ; ianao misaona anio, ataony amin’ny fotoany izany. Avelao Izy hi-contrôle ny fiainanao, aoka izay ity manitsaka frein ity, kanefa ianao mba nivavaka sy namaky teny ihany, mba nangataka fitarihin’ny Fanahy Masina.

Fahamarinana 3 : NY SAKANA TSY HITARIHIN’NY FANAHY MASINA ANTSIKA DIA NY FAHOTANTSIKA
Raha ny marina, mety tarihin’ny Fanahy Masina ianao satria hoe manaiky mamaky Baiboly sy mivavaka ; manaiky tarihin’ny Fanahy Masina ianao ka tsy manitsaka frein intsony, fa manaiky tarihin’Andriamanitra amin’izay hitiavany azy ; fa fahatelo, ny tena hoe sakana tsy hitarihin’ny Fanahy Masina antsika dia ny fahotantsika.
Indray mandeha hono nisy mpivady iray tia sambo dia nividy an’ireny karazana hors-bord somary lehibe ireny. Dia novidiana, ohatra hoe taty Antananarivo ilay hors-bord, dia nentina tany Tamatave. Dia eo izany ilay tômôbile dia eo ambonin’ny remorque eo ilay hors-bord. Dia tonga tany amin’ny ranomasina, nampidirina anaty rano ilay hors-bord, novelomina ny moteur, naneno tsara ny moteur, tsy mandroso anefa ilay hors-bord. Vaka izy mivady, nojerena ny manuel d’utilisation sy ny karazany, ohatrany hoe narahina tsara daholo mihitsy ilay izy, nefa tsy miainga mihitsy ilay sambokely. Nanontany ny mpivarotra ilay rangahy dia tonga tany ny mécanicien dia nojereny ny moteur maneno tsara mihitsy, nojereny ny coque-n’ilay hors-bord tsy misy maninona mihitsy. Farany dia nijery ilay mécanicien, nojereny tao ambanin’ilay hors-bord : hay ny tsy nampandeha azy, ilay remorque tsy notsoahin-dry zareo, dia ilay remorque no nanakana an’ilay sambo tsy handeha. Ry havana, io remorque io ilay fontsika ao anatintsika tsy hita maso ao, izay manakana an’ilay hors-bord-ny fiainantsika handeha. Raitra daholo isika ireto rehefa jerena aty ivelany, fa rehefa jerena tsara, hay tsy notsoahina ny remorque, hay tsy nodiovina ilay fo maloton’ny fahotana, maloton’ny avonavona, maloton’ny tsy fahatokisana an’Andriamanitra. Ry havana, hoy ny Tompo amin’izao maraina izao hoe : henoy ny teniny miteny aminao amin’izao maraina izao hoe : « mba omeo Ahy amin’izay io fonao io ho dioviko ». Izay no atao hoe krismasy ry havana, tsy hoe manantena cadeau avy amin’olona, tsy hoe manantena cadeau manokana avy amin’Andriamanitra ; fa ny cadeau tokony omeny antsika dia efa tanterany 2.000taona lasa izay. Fa ianao, atolory an’io zaza io ny fonao ho dioviny amin’izay mety ho avonavom-po rehetra, ho dioviny amin’izay tsy fahatokisana an’Andriamanitra, ho dioviny amin’izay mety hoe eritreritra diso momba an’izany hoe finoana, momba an’izany hoe fiainam-panahy izany.
Ary ity, tsaroako tampoka, meteza amin’izay tarihin’ny Fanahy Masina, aoka izay ity hoe mandevina dia mandeha misasa avy eo. Tamin’ny herinandro aho tratran’izany : nisy olona tonga tao aminay tamin’ny herinandro dia miteny : « azafady Pasitera fa izao vao tonga aty aminao fa mbola nisasa mantsy izahay tamin’ilay fotoana nomenao ahy iny ». Aoka izay, aoka izay izany misasasasa izany !
Indray mandeha indray aho nandeha nandevina, dia hoy ilay olona hoe aleo mba amin’ny 1ora30 Pasitera tonga aty. Azafady hoy aho fa izaho handevina ary tsy maintsy tafaverina aloa, ka raha amin’ny 1ora30 aho tsy tafaverina intsony fa aleo amin’ny 12ora30 isika miditra. Dia hoy ilay olona : « tsy mety ve amin’ny 1ora ? ». Amin’ny 12ora30 hoy aho. Inona ny zavatra nitranga ? Mandeha izahay, tonga eny amin’ny by pass, niandry, manao rassemblement ; dia niala ny by pass niditra amin’ilay secondaire, dia mbola rassemblement indray. Dia eny an-tenan-tenan-dalana eny, tena tsy azoko mihitsy, ataoko fa panne ilay corbillard, fa kay nandany lera fotsiny. Tonga teo an-tokontanim-pasana, nanatona ahy ilay zafikelin’ilay maty niteny : « Pasitera, miala tsiny fa mbola be kenona ry zareo ». Hay, izay ilay karazana fasana tsy azo vohaina alohan’ny amin’ny 3ora.
Ry havana, meteza tarihin’ny Fanahy Masina. Lâcher-o prise, avelao izany finoanoam-poana izany ary enga anie ka tsy misy amintsika intsony hoe hisasasasa izany, hoe hiandry izany na izay fomba sy fitondran-tena adala nentim-paharazana fa meteza ho tarihin’ny Fanahy Masina dia hamantana any an-danitra ianao.

Ho aminao ny fahasoavan’ny Tompo.

Amena

Lioka 21 :36 : « Fa miambena* ka mivavaha mandrakariva, mba hahery ianareo ka handositra izany zavatra ho avy rehetra izany ary hitsangana eo anatrehan'ny Zanak'olona ».

Ao anatin’ny volana iomanantsika amin’ny fiavian’ny Tompo no mbola anomezan’ny Tompo izao texte volamena izao.
Rehefa namalafaka ny texte, dia ohatr’ohatr’izao ny zavatra ambaran’ny Tompo amintsika amin’izao maraina izao : ianao izay resy lahatra fa hiomana ho amin’ny fiverenan’ny Tompo, ho amin’ny fiaviany, ny fiainanao no sehatra iomananao , ny fiainanao no ampiasao amin’izany fiandrasana ny fiavin’ny Tompo izany. Dia raha lazaina amin’ny teny hafa dia ataontsika ohatran’izao ilay izy, hoe : ATAOVY SALLE D’ATTENTE- NY MPANJAKA (JESOA KRISTY) NY FIAINANAO.

RESAKA SALLE D’ATTENTE
Ny fiainanao, ataovy salle d’attente-ny Mpanjaka.
Atsy ambony atsy ny salle d’attente-n’ i Pasitera, atsy ny salle d’attente-n’i Dokotera, ary salle d’attente-n’Ambohitsirohitra. Feno salle d’attente eo amin’ny fiainantsika : ATAOVY SALLE D’ATTENTE-NY MPANJAKA NY FIAINANAO.
Ary izay no mahafinaritara amin’ity toriteny ity : na iza na iza ianao, ambara pahatongan’ny fara-fofonainao, aza avela ahita fitsaharana ianao, raha tsy azonao an-tsaina mazava, azonao antoka mazava hoe efa salle d’attente-ny Mpanjaka ny fiainanao.
Ahoana ary izany hoe olona manapa-kevitra anio izany, hoe ampiasa ny fiainany, hanao salle d’attente ny fiainany ho salle d’attente-ny Mpanjaka ?

Fahamarinana 1 : MIAMBENA
Miambena : amin’ny ten frantsay hoe : « Soyez vigilants ». Satria hoe miomana isika ho amin’ny fiavian’ny Tompo, ilay « miambena » eto dia azo adika tsotra izao hoe : « Fantaro mazava ny zavatra ho avy ka iomano. Izay no atao hoe miambina.
Ary lalina ny fitiavan’ny Tompo antsika, mazava ilay teny, hoe miambina, fantaro ny zavatra ho avy. Fa miomana ve isika ? Non, tsy miomana isika. Dia manampy antsika Izy amin’izay fahadalantsika izay, manome famantarana Izy handresena lahatra antsika hoe tena zavatra sérieux anie izany hoe fiavian’i Jesoa izany ry havana. Misy karazana famantarana omeny ato amin’ny Lioka 21.
Lioka 21 :10-11 :« Ary hoy Izy taminy: Hisy firenena hitsangana hamely firenena, ary hisy fanjakana hitsangana hamely fanjakana. Ary hisy horohorontany lehibe ary mosary sy areti-mandringana any amin'ny tany samy hafa, ary hisy zava-mahatahotra sy famantarana lehibe avy any an-danitra ». Hira fahoriana isan-karazany, ady, filazana ady, tafika miady amin’ny tafika, mosary, aretin-dratsy. Ovay ny fihainoanao vaovao manomboka anio : rehefa mahare ady sy tafika miady ianao, tonga dia tsarovy ny tenin’i Jesoa hoe izay izany kay ilay ady sy filazana ady. Rehefa mahare ianao hoe misy mosary dia hoe izay izany ilay fampieritreretana. Tsy hoe vaovao henoko fotsiny izany fa fampieritreretan’i Jesoa hoe ny dikan’izany : ho avy Aho, ka efa vonona ve ianao ?
Mampieritreritra ny filazan’ny mpitoriteny anankiray tamin’ny andron’i Jesoa, taorina kelin’ny nahafatesany sy nitsanganany tamin’ny maty. Tamin’ny taona 66, dia hoe nisy olona 30.000 indray matin’ny aretina mandringana. Izay ilay hoe hisy aretina : tsy vazivazy izany, tsy teniteny foana izany. Tanteraka izany taoriana kelin’ny nitsanganan’i Jesoa tamin’ny maty. Nisy horohorontany ohatran’izany koa, ary horohoron-tany nahafatesana olona an’aliny. Ary hisy zavatra mahagaga, mampatahotra avy any an-danitra. Misy historient izay mitantara hoe tao Jerosalema tao, nandritra ny herintaona nisy zavatra ohatrany hoe manana endrika sabatra ry havana, niantona teo ambony lohan’ny mpivavaka tao Jerosalema tao ; avy eo dia tsy hita intsony. Izay ilay filazana avy amin’i Jesoa hoe « efa ho avy Aho, vonona ve ianao ? ».
Ary ohatrany zava-mahagaga, zava- mahatahotra tantarain’ny mpanao tantara ihany, hoe indray maka hono, ilay porte principale-ny tempoly tao Jerosalema nisokatra nidanadana tamin’ny fotoana tsy tokony hanokafana azy ; izany tempoly tao Jerosalema izany anefa, raha mbola 30 lahy, mbola sahirana manoha an’izany varavana izany ; fa nivoha tamin’ny fomba mahagaga izany varavarana izany.
Ry havana, mampieritreritra ny Tompo, te hanaitra anao Izy : vonona ve ianao ? Miomana ve ianao ? Ary mbola mitohy izany zavatra mahagaga izany, isika eto Madagasikara mahita an’izany horohoron-tany izany indraindray ; mahita an’izany lokon-danitra hafahafa izany indraindray ; nareo miantso miteny hoe Pasitera an, ahoana io
eo amin’ny lanitra io etc…Manomana antsika ny Tompo ary tsy vazivazy izany fiaviany hitsara antsika izany.
Ato amin’ny perikopa, mbola misy mampieritreritra, eo amin’ny and.29-31 : «Ary Izy nanao fanoharana taminy hoe: Jereo ny aviavy sy ny hazo rehetra. Raha hitanareo fa vao manaroka ireo, dia fantatrareo ihany fa efa akaiky sahady ny lohataona. Dia tahaka izany koa ianareo, raha vao hitanareo fa tonga izany zavatra izany, dia aoka ho fantatrareo fa akaiky ny fanjakan'Andriamanitra ». Teo amin’ny tontolon’ny jiosy dia hoe rehefa manomboka manaroka ny aviavy, dia efa faly ny olona hoe ho avy ny lohataona, miteraka fifaliana ilay aviavy manaroka iny. Ary fantatrareo tsara hoy Jesoa fa rehefa manaroka ny aviavy dia hoe ho avy izay ny lohataona ; ary izao hoy Izy, fantaro fa rehefa manaroka ny aviavy, ho avy izay ny Mpanjaka, ho avy ny fanjakana. Nampieritreritra ry havana, ary misaotra ny Tompo ny amin’ity perikopa ity, fa io aviavy io hoy ny mpitoriteny iray hoe ilazana an’i Israel. Israel izay hoa manaroka indray, mi-bourgeonner indray. Taorian’ny taona 70, niparitaka Israel , fa nanomboka tamin’ny taona 1948, lasa fanjakana, lasa état iray indray Israel : izay ilay aviavy manaroka ry Fiangonana o ! Ary teny porofo mitohaka amin’ny tenda fa efa ho avy, efa akaiky ny Tompo. Ary inona ilay hazo hafa izay manaroka ihany koa, raha hoe aviavy Israel ? Ilay tany rehetra hoy ny mpitoriteny izay ahitana ny montée an’ilay populisme sy nationalisme avokoa, henontsika izany.
Izay ny fahamarinana 1 : ianao izay manao ny fiainanao hoe ho salle d’attente-ny Mpanjaka, MIAMBENA ARY DINIHO SY FANTARO NY ZAVATRA HO AVY.

Fahamarinana 2 : MIVAVAHA MANDRAKARIVA
Raha ekenao izany hafatry ny Tompo mazava be izany hoe salle d’attente-ny Tompo ny fiainanao, fenoy vavaka. Any amin’ireny salle d’attente ireny matetika dia indraindray matetika dia misy gazety hanalana andro, hamonoana lera ; fa eto, ilay and.36 dia manao hoe : « Miambena ka mivavaha mandrakariva ».
Ny olona manao ny fiainany ho salle d’attente-ny Mpanjaka dia mivavaka mandrakariva. Maro ny zavatra hanahirana ambaran’i Jesoa, fa rehefa manambara Izy hoe : « mivavaha mandrakariva, mba hahery ianareo ka handositra izany zavatra ho avy rehetra izany», ny olona nandinika ny zavatra ho avy satria miambina, dia automatiquement izy miteny amin’ny Tompo hoe : « Tompo a, mamindra fo amiko, aoka mba tsy ho izaho no tratran’izany areti-mandringana izany, aoka tsy ho izaho no matin’izany horohoron-tany izany, na izaho na ny ankohonako sy ny karazany ; aza asiana zavatra mahatahotra izany ao amin’ny fiainako, aza avela ahatratra ahy izany». Manomboka mivavaka amin’izay ianao, vavaka miorina amin’ny tenin’Andriamanitra sy ny hafatr’Andriamanitra ry havana.
Mivavaha ianao, manànà fotoana aloa, farito ao amin’ny agenda-nao hoe eto indray aho, maraina dia ohatran’izao, ny hariva dia ohatran’izao. Izay no fiatombohan’ilay hoe « mivavaka mandrakariva ».
Mivavaha ao amin’ny teny hoy Petera, satria efa akaiky ny farany : mampitandrina antsika ny Tompo, hoy izy, eo amin’ny and. 34 : « Ary mitandrema, fandrao ny fonareo hovesaran’ ny vokatry ny fisotroan-toaka sy ny fahamamoana ary ny fiahiahian’ izao fiainana izao». Aoka tsy hovesaran’ny fisotroan-toaka. Ny DIEM dia manao hoe « ny filibana » ; ilay texte grika dia milaza hoe : fibobohana toaka maraina sy hariva, isan’andro isan’andro ary miteraka fahamamoana. Mamesatra izany : mivavaha mba tsy hamesatra anao izany, mba hanana fahononan-tena ianao ; mivavaha mba ovain’ny Tompo ianao, ka tsy ho fiahiana izao fiainana izao, tsy ny momba ny asa aman-draharahanao, tsy ny volanao, tsy ny harenanao no hameno ny fonao, no hameno ny sainao ; tsy ny fitadiavana fahafinaretana, tsy ny fitadiavana voninahitra, ka izay rehetra atao dia fitadiavana voninahitra sy fidedahana. Tsy izany ny olona miomana, tsy izany ny olona manao ny fiainany ho salle d’attente- ny Mpanjaka. Mivavaha mba tsy ohatran’izany ianao. Ary rehefa mivavaka ohatran’izany ianao, ny zavatra rehetra ao amin’ny fiainanao dia manjary antom-bavaka. Manana izay programam-piainanao ianao, manana izay ilainao ianao, manana zavatra irinao ianao, manana zavatra nofinofisinao ianao, ary fantatrao fa vonona hanome anao an’izany ny Tompo, fa ianao tsy mangataka.
Mivavaha isan’andro isan’andro mba tena hahatsiarovanao tokoa hoe marina izany Jesoa an, efa salle d’attente-nao ny fiainako ; ary rehefa mivavaka mandrakariva ianao dia tsy hanana fisalasalana intsony, tsy hanjavonjavo aminao intsony izany fiavian’i Jesoa sy fiverenan’i Jesoa ; ary dia tsy mpivavaka ara-pomba fotsiny, ara-pomba pivavahana fotsiny ianao, fa tena hoe hihaona amin’ny Tompo, ilay Mpitsara marina.
Izay ilay fahamarinana 2 : MIVAVAKA MANDRAKARIVA

Fahamarinana 3 : MITSANGANA
Ianao, ny ahafantarana hoe salle d’attente-n’Andriamanitra ny fiainanao, salle d’attente-ny Mpanjaka ny fiainanao, dia hitany ianao eo amin’izany salle d’attente-ny izany hoe « Mitsangana ». Mpino mitsangana. Izany hoe tsy mpino mipetraka, na mipetrapetraka ; izany hoe tsy mpino matory, na rendremana fa mpino mitsangana, satria miambina, satria mivavaka mandrakariva.
Ahoana moa izany no ahafantarako dieny izao 25 novembre 18 fa tena hoe mitsangana aho ? Ny ahafantarana an’izany, ary miomana isika izao, manomana fifidianana isika izao, mpiandraiktra isan-tsokajiny, dia hoe : Ny olona izay miambina satria hoe miezaka mamantatra ny ho avy, mivavaka mandrakariva, dia hoe : FENO FANOMPOANA AN’ANDRIAMANITRA NY FIAINANY. Tsy misy olona manao salle d’attente-n’Andriamanitra ny fiainany ka tsy manompo, miteny hoe : « an an an Pasitera an, aleo ho an’ny hafa izany ; an an an Pasitera an, ka izaho mbola ohatran’izao, aleo aho spectateur fotsiny ». Ry havana ô, tsy tenin’ny olona manao ny fiainany ho salle d’attente-n’Andriamanitra izany. Izay no ambara amintsika.
Ny Apokalypsy ahitana an’ireo olona izay nanao ny fiainany ho salle d’attente-n’Andriamanitra tety an-tany, dia hoe olona, amin’izao fotoana izao, manompo Azy andro aman’alina, manompo an’Andriamanitra andro aman’alina. Izany no fampieritreretana ho antsika ry havana. Ahoana moa izany hoe manompo Azy andro aman’alina izany ? Angaha dia tsy mba matory mihitsy izany rehefa hoe manao salle d’attente-n’Andriamanitra ny fiainanao ? Tsia ry havana ; fa ilay hoe manompo andro aman’alina, dia hoe izay zavatra rehetra ataonao, dia ataonao tsy ho an’ny olona, fa ho an’ny Tompo.
Aty amin’ny diakona ianao, tsy hoe rehefa service ihany ianao no hoe manao service kely, tsy izay ilay olona manompo andro aman’alina. Tsy hoe ho avy ny fifidianana amin’ny volana Marsa dia manomboka mipoipoitra daholo ireo olona tsy hita hatramin’izay. Izay ilay izy. Ary tena misy izany : misy izany ato, misy izany any an-kafa ry havana. Fa ny hoe manompo andro aman’alina, tanterahinao déjà ny zavatra nekenao ; fa manompo andro aman’alina ianao, any am-piasana ianao, any am-pianarana ianao, ataonao ho an’ny Tompo fa tsy ho an’ny olona. Izay dia efa lasa ilay journée anao. Tonga ao an-trano ianao, ny fifandraisanao amin’ny vady, ny fifandraisanao amin’ny zanaka, ny fifandraisanao amin’ny ray aman-dreny, fifandraisan’ny mpino izay manao salle d’attente-n’Andriamanitra ny fiainany. Ary rehefa izany no mameno ny journée anao, dia tena salle d’attente marina ny fiainanao rehetra.
Hoy ny Matio 18 :10 : « Mitandrema, fandrao manao tsinontsinona na dia ny iray aza amin’ ireny madinika ireny hianareo ; fa lazaiko aminareo : Ny anjeliny any an-danitra mahita mandrakariva ny tavan’ ny Raiko Izay any an-danitra ». Ny olona izay manao salle d’attente-ny Mpanjaka ny fiainany dia tsy manao tsinontsinona ny madinika. Aza manao tsinontsinona ireo madinika ireo ; io moa izany ny zaza no resahin’ny Tompo eto, fa azo hitarina mihitsy io hoe amin’ny madinika rehetra. Ireo madinika ireo, manana anjely mpiahy, manana ange gardien ireo, ary ny anjelin’ireo dia hoe miseho, mitoetra eo amin’ny fanatrehan’Andriamanitra mandrakariva. Izaho izany, satria ataoko salle d’attente-ny Mpanjaka ny fiainako, tsy hanao tsinontsinona ny madinika aho. Ny antony : tsy hoe noho ny fahamarinana ato an-tsaiko sy ato am-poko, fa satria fantatro hoe manana anjely mpiahy sy mpiambina ireo madinika ireo, izay mipetraka eo anatrehan’ny seza fiandrianan’Andriamanitra.
Miambena, mivavaha mandrakariva dia hitsangana ianao eo anoloan’ny Zanak’olona, rahatrizay tonga Izy.
Taona 79 taorian’i Jesoa Kristy, nisy an’ilay hoe Mont Vézuve, tany Italie. Volcan izany : niasa ilay volcan, nirehitra ilay volcan, 16.000 morts hoy ny mpandinika. Ary rehefa nipoitra io volcan io, ny puissance an’ilay jet de pierre, hoe 100fois-ny bombe Hiroshima. Dia hoy ilay mpitoriteny mitantara an’izay ry havana : ry zareo tao Italie tao hoy izy, ary indrindra zareo teo akaikin’ny faritr’i Vézuve tao, alohan’ny hipoahan’ny Vézuve, hoy izy, dia efa nisy signe vitsivitsy maromaro, fa tsy niraika izy. Dia nipoaka ny Vézuve, 16.000 morts. Taty aoriana, vao haingankaingana, nisy archéologue nandeha nikaroka tamin’iny faritra iny, dia nampiasa teknika vaovao izy, dia rehefa nampiasa ilay teknika vaovao io izy, hitany tany anaty vato sy tany anaty décombre tany daholo ny sisan’ny fatin’ireo olona sy ireo biby rehetra maty tao anatin’izany éruption-na volcan izany. Dia hoy ilay archéologue mitantara: ireo olona hoy izy, mbola hita ny paoziny nahafatesany. Ny paoziny nahafatesany mbola hita ao anaty vata.

Ry havana, rahatrizay ho avy ny Tompo, aorianan’izany fampitandremana isan-karazany izany, en position inonano hahitany anao ? Position mitsangana ve, position matory ve, position mipetraka ve ? Ary aiza ny toerana

hahitany anao ?
Misaotra Azy isika ny amin’ny fampieritreretany. Ny fahasoavany hiasa ao amintsika hanova ny fiainantsika ho salle d’attente-ny Mpanjaka, haharitra amin’izany hoe fiambenana, izany hoe fivavahana mandrakariva izany, ary isika izay nahare izany teny izany, samy hitsangana eo anatrehan’ny Zanak’olona amin’ny fotoan’androny.

Ho aminareo ny fahasoavan’ny Tompo. Amena .

2 Timoty 4 :5 : « Fa ianao kosa mahonona tena amin'ny zavatra rehetra, miareta fahoriana, ataovy ny asan'ny evanjelista, tanteraho ny fanompoanao.

TANTERAHO NY FANOMPOANAO

Miverimberina, raha namaky isika nanomboka tany amin’ny Eksodosy, tao amin’i Matio, dia niafara tamin’i Timoty, ny sitrapon’Andriamanitra tokony iainantsika kristiana. Satria taomina isika FJKM amin’izao fotoana izao hihaona amin’Andriamanitra, taomina ny FJKM mba ho vonona hanana ilay toe-tsaina, toe-panahy, toetra kristiana ho eo amin’ny Tompo. Ary dia fanontaniana no apetraka : AO AMIN’NY TOMPO VE IANAO SA TSY AO AMIN’NY TOMPO ? Ao amin’ny Tompo ve isika misora-tena ho kristiana ankehitriny sa tsy ao amin’ny Tompo ? Ary izany dia mampieritreritra ry havana malala. Be dia be  anie ny kristiana e ! Feno hiboka isaky ny Alahady ny Fiangonana, ary ny eto Antananarivo tena mpivavaka daholo ny olona, miditra any am-piangonana, rehefa tonga ny Alahady. Rehefa miditra ao anatin’ny fiaraha-monina anefa ianao, fiaraha-monina lo, fiaraha-monina feno lainga, fiaraha-monina feno fitaka, fiaraha-monina feno ireo karazana tsy fahamarinana amin’ny endriny maro samihafa no hitantsika : vono olona, halatra, vaky trano, ny heverina hoe zavatra tena mamoafady no miseho eo anivon’ny fiaraha-monina. Dia mampoeritreritra ry havana malala, izany zava-misy izany. Ary moa tsy isika ihany no miditra ao anatin’ny fiaraha-monina miala eto ? Raha hiditra ao isika, fiaraha-monina manao ahoana no idirantsika raha hiditra ao anaty fiaraha-monina izay misy kristiana isika ?

Nanaraka tsara ny vakiteny tao amin’i Matio isika : efa nisy olona notsongaina, nofidiana, nomena invitation, nahazo fanasana mazava tsara : ianao dia miditra ao amin’ny fanasana, misy toeranao ao amin’ny fanasana, fa nankaiza ilay oloba nahazo fanasana ? Lasa nandeha nivarotra, lasa nandeha namonjy ny asany, ary lasa nandeha nisetrasetra tany amin’ny olona tany izy, ary tsy vitan’izany, fa namono olona mihitsy izy. Tezitra ilay mpanasa tamin’izany fotoana izany, ary hoy izy hoe ; e, ndana mankery an-dalana ery, dia antsoy na ny tsara na ny ratsy hoy izy. Mampieritreritra fa isika kristiana efa nahazo ny fanasana avy amin’ny Tompo ; tsara be ilay fanentanana tamin’ny louange teo, ny amin’ny fanasan’Andriamanitra anao, fa ianao ve ilay nisafidy ny tsy hiditra ? Na hoe ianao efa manana zo handova ny fiainana mandrakizay, fa ny fiainanao kosa dia nolanianao tamin’ny fiainan’izao tontolo izao ? Enga anie mba tsy ny setrasetra, ny vonoan’olona, ny tsy fahamarinana, ny fandaniam-potoana amin’ny varotra samihafa no ataonao, fa adinonao ny asa fanompoana. Tanteraho ny fanompoanao ry havana malala, raha ao amin’ny Tompo ianao.

Ny asa fanompoana voalohany anirahan’ny Tompo antsika dia izao : Torio ny filazantsara.

Fahamarinana 1 : TORIO NY FILAZANTSARA

Tsy maintsy anaovantsika hazakazaka ny fitoriana ny filazantsara, indrindra manoloana ny firoborobon’ny kamarady (slamo).  Raha nirahina tany Diégo aho tamin’ny 2010 hitondra fiangonana tany, dia nifanena tamin’ny kamarady, hanangana fiangonana tao amina toerana iray. Dia hoy ilay lehibe teo amin’ilay toerana nisy ahy hoe : ianao Pasitera ? Dia eny hoy aho, izaho Pasitera. Fa avy aiza ianao ? Avy any Antananarivo any aho no nirahina nankaty, lavitra. Tsy tanindrazanao aty hoy izy, mandehana mody. Ianao mahasaky za hoy izy ? Izaho hoy izy efa nigaga lion’olo litatra raiky : efa nisotro ràn’olombelona 1 litatra aho ; izany hoe izay matiny dia hisotroany kely ny ràny satria izay contrat ao anatin’ny fivavahany. Dia hoy aho hoe : ie, izaho tonga aty hitory ny filazantsara dia hanasoa ny tanànà izay misy anao. Natahotra ihany aho tamin’izay an ! Fa saingy hoe tsy misy valin-teny afa-tsy ohatran’izany sisa.  Dia ndao ianao mivoaka hoy izy, satria nantsoiny tao an-tranony aho tamin’izay, dia eritrereto ny raha volaniko aminao zay. Dia lasa aho ; dia mbola narahiny ihany aho : hitanao ny tany anorenanao Fiangonana io hoy izy, tanindrazako io. Eny hoy aho. Miaraka amin’ny antsy be izy amin’io. Tena nivavaka aho, nifady hanina mihitsy aho ry havana malala, ary nitady namana, mpiandry, diakona, hoe tena ento am-bavaka fa izao no zava-misy, tsy fantatro hoe inona no ho atao, ny filazantsara tsy maintsy hotoriana : tsy ho atao izany io Fiangonana io ??? Dia nivavaka. Indray andro, nisy olona nandondona teo am-baravarana, nojereko, ilay sefo. Dia nanala kapa izy dia an an an hoy aho, tsy manala kapa rehefa miditra ato an-tranoko fa mandroso ihany. Dia izaho hoy izy tonga aty aminao fa mifona aminao izaho : aoreno ny Fiangonana ary izay mba fantatrareo Fiangonana fa vola tokony omena ahy dia mba omeo ahy fa tanin’i mamanay io. Dia nanao tsipaipaika moa izahay Fiangonana dia nanome azy, vola teo amin’ny 8.000Ar teo.

Ambarako aminao ry havana malala, fa irahin’ny Tompo ianao ary teneniny mafy ianao hitory filazantsara. Ary tsy maintsy mitory filazantsara isika ; ary raha tsy mitory filazantsara ianao, iza indray no hitory filazantsara ry havana malala ?

Ny 5mn ho an’ny ankizy sy tanora teo dia nanentana hoe misy tanora, misy ankizy, ianao ankizy sy tanora no handeha hitory filazantsara amin’izy ireo. Fa misy olona mpiara-miasa aminao any, misy olona izay miara-monina aminao any amin’ny fiaraha-monina na ny quartier izay misy anao any : anjaranao ny mitory filazantsara amin’izy ireny. Izao no voalazan’ny Soratra Masina eto, hoe : « mitoria teny, mazotoa na amin’ny fotoana, na tsy amin’ny fotoana, mandrese lahatra, mampianara, manànàra mafy ». I Paoly Apostoly ry havana dia niteny mafy an’i Timoty, « izany no ananarako anao mafy : mitoria teny, mampianara, mandrese lahatra ». Ary eto aho ry FJKM Isotry Fitiavana te hisarika ny fontsika ; fantatro ianareo fa efa manao mafy dia mafy, fa mbole te hanampy ny hery ao anatinareo : ny ezaka izay ataon’ny Fiangonana ho amin’ny fitoriana ny filazantsara dia ny hambabo olona ho an’i Kristy, ary hanaiky an’i Kristy ho Tompo sy Mpamonjy azy, hanova ny fiainany eo amin’ny manontolo izay ijoroany vavolombelona, fa Andriamanitra no Tompo sy Mpamonjy azy. Tsarovy anefa ry havana malala, manaitra ny voambolana ampiasain’ny Tompo eto, na ny Soratra Masina hoe : « mazotoa ». Mitaky fahazotoana ny fitoriana ny filazantsara : tsy vitan’ny olona malaina io, tsy vitan’ny olona mora kivy io, tsy vitan’ny olona mora ketraka io, ary tsy vitan’ny olona matahotra na manahy. Fa mazotoa, ny Tompo homba anao. Ary ny fanahin’Andriamanitra dia hanafy antsika. Tsy diso mihitsy ny tenin’ny Tompo mialohan’ny nanirahany ny mpianatra hitory filazantsara araka ny Asan’ny Apostoly 1 :8 hoe aza miala eto Jerosalema aloa ianareo mandra-panafianareo ny hery avy any ambony, fa rehefa mahazo ny Fanahy Masina ianareo dia ho vavolombeloko eto Jerosalema, any Jodia, Samaria, ary hatrany amin’ny faran’ny tany. Ary hitantsika tsara, Asan’ny Apostoly 2, nilatsaka ny Fanahy Masina tamin’ny mpianatra, ary dia sahy nitory ny filazantsara avy hatrany ny mpianatra. Ary natsangana teo anoloan’ny olona izay mpanenjika azy ry Petera ka niteny hoe iny Jesoa izay nohomboanareo tamin’ny hazo fijaliana iny, no hitsangananay finaritra eto imasonareo. Zavatra tahak’izany ry havana, mitaky fahasahiana, mitaky ny zoto, ary ny fanahin’ny fahamarinana izay tsy azon’izao tontolo izao raisina , satriabtsy hitany na fantany, ho ao anatinao izany, ary ianao mahafantatra azy. Maniraka anao hitory ny filazantsara amin’ny olombelona rehetra, sy ny olombelona manontolo.

Fahamarinana 2 : MIORENA TSARA

Io ny olana ry havana malala : mety mitory ihany ianao, fa tsy miorina tsara. Mampatahotra ahy ilay teny ao amin’ny Matio 7, mampieritreritra ahy mihitsy izy io, Matio 7 :21-23 : « Tsy izay rehetra manao amiko hoe: Tompoko,Tompoko, no hiditra amin'ny fanjakan'ny lanitra, fa izay manao ny sitrapon'ny Raiko Izay any an-danitra. Maro no hanao amiko amin'izany andro izany hoe:Tompoko, Tompoko, tsy efa naminany tamin'ny anaranao va izahay? ary tsy efa namoaka demonia* tamin'ny anaranao va izahay? Ary tsy efa nanao asa lehibe maro tamin'ny anaranao va izahay? (*Demonia = fanahy ratsy, na anjely ratsy) Ary dia hambarako aminy marimarina hoe: Tsy mba fantatro akory ianareo hatrizay hatrizay; mialà amiko, ianareo mpanao meloka ». Sanatria amiko anie izany ! Satria tena mampieritreritra hoy aho : efa nampianatra, efa nanaobasa mahagaga, namoaka devoly ; ohatran’izany isika mpiandry, nahavoaka devoly tsara, fa rehefa tonga eo anatrehan’ny Tompo : « e, tsy fantatro ianao ». Miorena tsara ry havana malala.

Miorena tsara. Ary izany dia tena fitenin’ny Apostoly Paoly izay manoratra ny epistily ho an’i Timoty ity. Izao no voalazan’i Paoly any amin’ny 1 Korintiana 15 : 58 hoe : « Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo ». Dia eto amin’ity Timoty ity dia izao no fiteniny azy, eo amin’ny and.5 : « Fa ianao kosa mahonona tena amin'ny zavatra rehetra, miareta fahoriana ». Ianao izany tsy voarebirebin’ny zavatra samihafa sy ny filàna maro ; ianao izany tena mifantoka amin’ny tena maha-kristiana anao, ianaobizany tena mino an’Andriamanitra ka tsy voahelingelin’ireo nentim-pahalovana samihafa mahazo ny fiaraha-monina. Ary mampieritreritra, hoe mahonona tena, fa raha miverina amin’ky maha-Fjkm tokoa isika, ilay teny fanevantsika izay iainantsika mandritra ny 4 taona hoe : « Koa aza menatra ny ho vavolombelon’ny Tompontsika », eo aloan’iny teny iny dia misy an’izao teny izao : « Fa tsy nomen’Andriamanitra fanahy osa isika, fa fanahy mahery sy fitiavana ary fahononan-tena ». Jereo tsara ao amin’iny teny fanevantsika iny, ambaran’ny Tompp ry havana malala amin’ity anio ity, fa mila manana fifehezan-tena, mila manana fitsipika mifehy ny fiainam-panahy kristiana ianao ry Fjkm Isotry Fitiavana o. Inona no ataon’ny kristiana rehefa hisakafo ? Mivavaka izy ; avy misakafo : mivavaka izy ;  handeha hiasa, any am-piasana : mivavaka.

Nividy panneau solaire teny Behoririka aho, dia ilay mpivarotra, kamarady ( tsy azo atao fahavalo mantsy ireny fa kamaradintsika). Fa izao no zava-nisy : teo am-pivavahana izy, ohatrinona moa ity azafady tompoko hoy aho ? Izaho tsy nahalala hoe hay izy io mivavaka. Nandinika azy ela aho vao hitako hoe mivavaka izy. Dia nony vita ilay vavaka, nihiratra ny masony, niady varotra teo aho dia azoko ilay izy fa mbola tsy nisy vola taty amiko fa mbola naka vola kely aho, dia izaho niverina teo, hoy ilay mpanampy hoe azafady vetivety fa lasa ao ambony 5mn fotsiny izy. Nandeha nivavaka izy. Ianao ve any am-piasana mahavita manao an’izany, hoe tsy mandray olona vetivety aho fa mivavaka aloa, ry kristiana malala ? Fa indraindray raha zavatra hafa d miteny ianao hoe aza elingelenina vetivety aloa. Fenoy fahononan-tena ho amin’ny fivavahana ny fiainantsika. Ary te haniraka anao ny Tompo androany : raha tonga any amin’ny seha-kasa, any amin’ny fiaraha-monina misy anao ianao, aza menatra, mijoroa.

Ary izay no hidirana amin’ny teboka fahatelo hoe, satria tehirizin’ny Tompo ho anao ny satroboninahitra izay natokany ho anao.

Fahamarinana 3 : TEHIRIZIN’NY TOMPO HO ANAO NY SATROBONINAHITRA IZAY NATOKANY HO ANAO

Hoy ny Apostoly Paoly eo amin’ny and.6-8 : « Fa izaho dia efa hatolotra*sahady, ary efa mba akaiky ny andro fialàko. (* Grika: haidina ho fanatitra aidina) Efa niady ny ady tsara aho;nahatanteraka ny fihazakazahana aho; nitahiry ny finoana aho;hatrizao dia tehirizina ho ahy ny satro-boninahitry ny fahamarinana, izay homen’ny Tompo, Mpitsara marina,ho ahy amin'izay andro izay; ary tsy ho ahy ihany, fa ho an'izay rehetra tia ny fisehoany koa ». Tsy ho an’i Pasteur Séraphin ihany, tsy ho an’i Pasteur Solofo ihany, fa ho anao koa, satria ianao tia Azy. Raha tsy mieritreritra an’izany ianao, zava-poana io hazakazaka ataonao io, miandry bus, mandany essence sy gasoil mandeha mankaty am-piangonana, zava-poana ireny.

Hoy ny Tompo any amin’ny Jaona 14 :1-3 : « Aza malahelo ny fonareo; minoa an'Andriamanitra, ary minoa Ahy koa*.   (*Na: mino an'Andriamanitra ianareo, dia minoa Ahy koa) Ao an-tranon'ny Raiko misy fitoerana maro; raha tsy izany, dia efa nilaza taminareo Aho; fa handeha hamboatra fitoerana ho anareo Aho. Ary raha handeha hamboatra fitoerana ho anareo Aho, dia ho avy indray ka handray anareo ho any amiko, ka izay itoerako no hitoeranareo koa ». Izany no fanantenantsika ry havana malala, ary marina tsara ny tenin’ny Mpitandrina teo hoe ny fahafatesana dia fodianantsika any amin’ilay fiainana tsara indrindra, raha mino isika. Raha mino ; fa raha tsy mino, tena ratsy. Ary izay tokoa angamba no mahatonga ny olona sasany hiteny ilay hoe «  ho lasa amin’izay anie ny ratsy rehetra » ; ratsy ho azy satria ry zareo mieritreritra hoe ratsy ilay miandry azy any ! Fa ho antsika mieritreritra ny tsara, dia miteny tahaka an’i Paoly hoe bénéfice io izany, tombom-barotra.

Eto am-pamaranana ny havana malala, dia averina any amintsika izao teny izao hoe : Tanteraho ny fanompoanao ry FJKM Isotry Fitiavana ; mijoroa vavolombelona fa tena kristiana,mitoria ny filazantsara, mazotoa na amin’ny fotoana na tsy amin’ny fotoana, aza kivy na ahoana na ahoana, sedraina, ary mahereza mandrakariva, miorena tsara amin’ny finoana, ary dia tianay mpitondra fivavahana, tianay Mpitandrina , tian’izay tompon’andraikitra amin’ny Fiangonana maheno hoe ny kristiana tao amin’y FJKM… dia nanao asa fitoriana filazantsara, na nijoro vavolombelona tamin’ny sehatra ohatran’izao : faly izy ; fa malahelo ny eritreriny raha hoe kristiana tao ….dia tratra nangalatra omby indray ary , na hoe manana fitondran-tena tsy marina. Miorena tsara, mahonona tena, ary araka ny tenin’ny Apostoly Paoly eto, fa amin’ny fotoan’andro, dia sahy hiteny ianao hoe : « efa nahatanteraka ny fihazakazahako aho, nahavita ny adiko aho, niady ny ady tsaran’ny finoana aho , ary manomboka izao dia efa tehirizin’Andriamanitra ho ahy ilay satroboninahitry ny fahamarinana izay omen’ilay Mpitsara marina, dia Jesoa Kristy ». Ho anao izany, ho ahy izany.

Pasteur RANDRIAMANANTENA Séraphin

Malakia 2 :17 – 3 :4 : « Efa manasatra an'i Jehovah amin'ny teninareo ianareo. Nefa hoy ianareo: Amin'inona moa no anasaranay Azy ? Amin'ny fanaovanareo hoe: Izay rehetra manao ratsy dia tsara eo imason'i Jehovah ka ankasitrahany, na amin'ny hoe: Aiza Andriamanitry ny fitsarana ?Indro, haniraka ny irako Aho, ary izy hanamboatra lalana eo alohako; ary ny Tompo Izay tadiavinareo dia ho avy tampoka ho eo an-tempoliny; ary ny Anjelin*'ny fanekena Izay irinareo, dia, indro, tamy Izy, hoy Jehovah, Tompon'ny maro.(Na: Iraky)Nefa iza no mahatanty ny andro hihaviany? Ary iza no mahajanona, raha miseho Izy? Fa Izy dia tahaka ny afon'ny mpandrendrika sy ny savonin'ny mpanasa lamba. Ary hipetraka handrendrika sy hanadio volafotsy Izy; eny, hanadio ny taranak'i Levy Izy sy handrendrika azy toy ny fandrendrika volamena sy volafotsy, ka dia ho an'i Jehovah ireny ho mpanatitra fanatitra amim-pahamarinana. Dia ho mamin'i Jehovah ny fanatitry ny Joda sy Jerosalema toy ny tamin'ny andro fahiny sy toy ny tamin'ny taona taloha ».

1. MIVONONA HIHAONA AMIN’NY TOMPONAO FA EFA TONGA NY IRANY
Ny lohahevitra izay iarahantsika mibanjina manerana ny sahan’ny FJKM dia fantatsika tsara hoe : « Mivononà hihaona amin’ny Tompo ». Izany lohahevitra izany, raha vakiana sy jerena maimaika, dia lohahevitra mety mitarika any amin’ny fahadisoan-kevitra. Satria nahoana ?

Rehefa tenenina ny olona iray hoe mivononà ianao hihaona amin’i Rakoto, na Rabe ohatra, ny dikan’izany dia hoe mbola tsy tonga ilay olona resahina. Fa amin’Andriamanitra ihany dia tsy marina kosa izany. Tsy maintsy azavaina tsara amin’ny lafin’ny Soratra Masina sy ny teolojia hoe inona no dikan’izany hoe « mivononà hihaona amin’ny Tompo ». Ny Tompo irery ihany no hany azo lazaina hoe efa tonga sady mbola andrasana. Efa tonga Izy satria efa miara miaina amintsika : efa afaka mamoaka devoly amin’ny anarany ianao dia mivoaka ny devoly ; ary mbola andrasana Izy satria ho avy ilay fahatongavany amin’ny fomba ofisialy, izay tsy azo vazivaziana intsony. Ary izay fahadisoan-kevitra mety mahazo ny olona izay no nahazo ny zanak’Isiraely ihany koa tamin’ny taon-jato faha-enina talohan’i Jesoa Kristy, satria tamin’ny taon-jato faha-enina talohan’i Jesoa Kristy Tompo no nosoratana ny bokin’i Malakia. Ary izay fahadisoan-kevitra izay, no tena nampalahelo, dia diso hevitra hatrany amin’ny mpisorona ( Pasteur izany mpisorona izany amin’izao fotoana), dia diso nanaraka azy daholo koa ny vahoaka. Dia tao anatin’izay fahadisoan-kevitry ny mpisorona izay no nirahina i Malakia ( Irako no dikany amin’ny teny hebreo) hanitsy an’ireo fahadisoan-kevitra maromaro izay ananan’ny vahoakan’ny Isiraely.

Ny fahadisoan-kevitra voalohany, ohatra, any amin’ny toko 1, dia zareo nieritreritra fa tsy tian’Andriamanitra intsony izy, satria ny vanim-potoana nisy tamin’izany, lasan’ny nabateana (arabo amin’izao fotoana) ny ampahan’ny faritanin-dry zareo. Dia hoe aiza koa izay Andriamanitra mpamonjy antsika eto ? Dia any amin’ny toko 1 izy manommboka manitsy hoe Jakoba no tiako, fa Esao no halako. Tiako ianareo na dia lasan’ny olona aza ny ampahan’ny taninareo.

Fahadisoan-kevitra faharoa ihany koa, izay avy any amin’ny mpisorona, dia nita tany amin’ny vahoaka, dia izao : na dia milaza aza ny Levitikosy 1 :3 fa rehefa manatitra fanatitra ho an’i Jehovah dia lahy tsy misy kilema no atolotra, atao fanatitra io tsinona, dia rehefa avy vonoina atao fanatitra iny, dia iny no sakafon’ilay mpisorona avy eo, dia iny no hakana rà hanaovana ny tso-drano, sns fanadiovana. Dia nony aman-jato taonany taty aoriana, tsy izay lahy tsara ho an’i Jehovah intsony no entina, fa jeren-ndry zareo izay efa jambajamba ny masony, hoe itony izao efa tsy lafo intsony, itony atao sorona ho an’i Jehovah ; jeren-dry zareo izay kapila kapila, izay no voalazan’ny tenin’Andriamanitra ; dia tsy miteny koa ilay mpisorona amin’io satria iny matsiro foana ; matsiro foana iny rehefa hohanina, na kapila na jamba, na maninona. Fa halan’i Jehovah, ka izany no anisan’ny nanitsiana ny zanak’Isiraely tamin’izany vanim-potoana izany.

Ny fahadisoana fahatelo nataon’ny mpisorona koa manomboka any amin’ny toko faharoa, dia nizaha tavan’olona ry zareo tamin’izany. Mizaha tavan’olona dia rehefa manan-karena, manam-pahefana no miresaka aminao, dia hoe « faly aminao Jehovah », « tena mety ity » ; fa rehefa olona mafimafy ady, « mibebaha ianareo », « tsy mety izao ». Dia enjana be ny Malakia 2, fa ianareo hoy izy rehefa mizaha tavan’olona tahak’izany, ho ataoko tsy hajain’ny olona intsony ianareo, ary ny tena loza ary dia hoe avadiko ozona ny tso-drano izay ataonareo. Ianao izany mitso-drano, manao hoe « raiso ny tso-drano ry havana », dia mivadika ozona iny, nohanin’ny valala ny tanànà, Malakia 3 :1. Dia izany no nasaina nahitsin’i Malakia.
Ary dia anisany nampitenenina an-dry zareo faha-efatra manaraka manomboka eo amin’ny Malakia 2 :17 : manasatra an’i Jehovah. Angaha moa izany Andriamanitra izany tsy hoe tsy mety sasatra, tsy mety reraka ? Fa lazain’Andriamanitra hoe manasatra Ahy ianareo, mandreraka ahy ianareo. Dia rehefa maninona hoy izy no manasatra an’i Jehovah ny olona ? Ny and. 17 dia hoe tsy maninona na tsara eo anatrahen’i Jehovah izay manao ratsy. Izay ilay and.17 : efa manao ratsy dia hoe aiza izay Andriamanitry ny fitsarana ? Izany ny fisainana tamin’izany : jereo fa ondry kapila no omenay, tsy taitra akory ilay Andriamanitra ; voalaza ao amin’ny toko 2 aza fa zavatra nangalarina no nomeny atao fanatitra ao am-piangonana, mankasitraka ihany ilay Andriamanitra. Dia ao anatin’izay amin’izay no nampitandreman’i Malakia : mivononà amin’izay ianao hihaona amin’ny Tomponao, satria efa tonga ny irany. Hitantsika izany eo amin’ny Malakia 3 :1 : « Indro, haniraka ny irako Aho ». Tahaka ny amin’izao fotoana izany dia efa fanaon’ny mpitondra fanjakana hatramin’izany, raha tena olona ambony ianao, tsy tonga fotsiny amin’izao any amin’ny birao an’olona, na any an-tanànan’olona, fa tsy maintsy misy iraka alefa aloa, farafaharatsiny dia ny sekreteranao no miantso aloa na miteny hoe ho avy eo hono i…., afaka handray ve ianao ? Raha mpitondra fanjakana ianao dia miaramila no mialoha anao any, na ny protocole, miteny hoe ho avy ny olona ohatran’izao, aiza io no hipetraka, aiza izy no hatory, aiza izy no apetrakareo… Raha tena olona ambony ianao, tsy mitontona fotsiny, tsy fantapantatra izany, fa tonga dia mazava tsara hoe ho avy eo i… amin’ny vanim-potoana ohatran’izao. Raha mandeha fiarakodia moa dia misy ireny mpisava lalana mandefa kloxon ireny, ka rehefa tonga ireny dia efa fantatrao fa efa akaiky izany ilay manam-pahefana.
Dia tahaka an’izany koa Jehovah Andriamanitsika : maniraka iraka ihany koa Izy aloa. Andriamanitra amin’ny ankapobeany, tsy mba mamely tampoka, Andriamanitra, tsy mikapoka tampoka, fa mandefa iraka Izy aloa ampiomana ny fonao. Ary izay rahateo ny Matio 3 :3 : « Injany! misy feon'ny miantso mafy any an'efitra hoe:
Amboary ny lalan'i Jehovah » ; mandefa iraka mialoha Izy miteny fa ho avy.

Ry havana malala ao amin’ny Tompo, aty amin’ny taona 2018 isika, ny irak’i Jehovah dia ny mpitoriteny, ny mpiandry mametra-tanana, ny irak’i Jehovah dia izay mitory ny tenin’Andriamanitra aminao, mampiomana anao fa ho avy ilay Jehovah Andriamanitrao. Raha i Jaona mpanao batisa manokana, tsy izy akory no Mesia, fa milaza mialoha amin’ny olona fotsiny izy fa ho avy ilay Mesia.

Ry havana malala ao amin’ny Tompo, raha ampifandraisina amin’ny Alahadin’ny fananana, dia azo lazaina hoe irak’i Jehovah ihany koa ny fananana ; irak’i Jehovah ka rehefa manomboka manomboamboatra trano fiangonana eo izany ny olona, ka mitsangana ny trano fiangonana, aza taitra ianao hoe maninona ary no asiana fiangonana eto, fa fampatsiahivana anao io, fa ho avy Jehovah. Tamin’ny 08 sy 09 Novambra dia nisy fiangonana maromaro sy synodam-paritany maromaro dia nanao fampisehoana ny fananana, araka izay antso natao. Anisan’ny nahafinaritra tao ny anareo FJKM Isotry Fitiavana : ny napetraka tao dia hoe manamboatra fiangonana iray isa-taona. Dia nosoratana tao hoe, taona 2015, tary ; 2017, tary… Dia be dia be no taitra ny mpitsidika tao hoe « izany ve dia hoe vita », « fa aiza no ahitan’Isotry Fitiavana vola amin’izany ». Manana hoy aho rehefa vonona, manana hoy aho rehefa irahin’ny Tompo. Ary jerena koa ireo fiangonana, vita tsara, fa misy koa mantsy manao fananana ho an’ny Tompo, fa ataony kitoatoa. Izany no antsoina hoe ondry kapila, fananana tsy ilain’Andriamanitra. Mivononà hihaona amin’ny Tomponao.

2. MIVONONA HIHAONA AMIN’NY TOMPONAO FA HO AVY IZY TENANY

Isika rehetra izao izany ry havana, rehefa tonga ny irak’i Jehovah, dia mba taitra, mivononà hihaona amin’ny Tomponao. Fa tsy vitan’ny hoe efa tonga ihany ny iraky ny Tompo, na ny irak’i Jehovah, fa Izy tenany mihitsy no tonga, rehefa tsy taitra ianao. Ao amin’ny Malakia 3 :1b manao hoe : « indro, tamy Izy ». Indraindray mantsy rehefa ilay iraka no alefa dia tsy raharahian’ny olona. « Ho avy eo hono ilay olona ambony » : « sshh, hay ve e, sao dia mampiresaka ianareo ». Izany no mitranga. « Ho avy eo hono ilay olona ambony » : « izany ve dia marina ». Fa rehefa mafy loha ianao, dia Izy tenany, ny Tompo mihitsy no tonga ary amin’izay fotoana izay Izy tonga amin’ny fahefany, tonga tsy azo ivalozana, tonga hitsara an’izao tontolo izao, ary tonga haka ny Azy. Dia enjana be ilay fanoharana izay raisin’ny Soratra Masina eto. Izao no voalaza eo amin’ny and.2 sy ny manaraka : tahaka ny savonin’ny mpanasa lamba. Fantatsika tsara fa matoa ny lamba iray sasana, dia maloto. Ny lamba mijanona fa ny loto halana ; na tahaka ny mpandrendrika hoy izy : volafotsy iray, tsy mahazo volafotsy tsara tarehy izany ianao, raha tsy efa dorana aloa, dia miempo daholo ny tsy izy, izay tsy tena volafotsy, dia ohatran’izay koa ny volamena. Fa ilay volafotsy tena volafotsy, na ilay volamena tena volamena, rehefa empoina, dia tavela eo, dia iny no anaovana firavaka. Dia izay ny fanoharan’Andriamanitra ny fihaviany : tonga Izy amin’ny vanim-potoana anankiray, empoiny, sasany izay tsy izy, fa izay tena azy marina tokoa dia miaraka Aminy, miara manome voninahitra Azy.

Ry havana malala ao amin’ny Tompo, nisy olona iray izay tao Ambotsirohitra, notenenina izy tamin’izany fa tsy taitra. Dia tamin’izany hono ny tao an-tsainy vao niresaka tamiko dia hoe iza ary ity Pasitera kely ity ? Fa nitranga amin’izay izay nitranga, dia niresaka izahay, dia tadidiny hoe ity ilay notenenin’i Pasitera, tadidiny amin’izay. Nosasana tamin’ny savony, niala ny maloto, arendrika izay tokony arendrika.

100 taona katroka ry havana androany no tapitra ny ady lehibe voalohany. Dia be dia be ny fanazavan’ny olona hoe fa maninona no nisy ady lehibe voalohany. Mazava be ilay izy : novonoin’ny olona ny prince iray tao Sarajevo, dia izay no nitarika ady sns… Fa raha ny Soratra Masina no jerena, tamin’ny taona 1890, 25 taona talohan’io, nozarain’ny firenena maromaro, ohatran’ireny mizara mofomamy ireny i Afrika, ary tao anatin’izany i Madagasikara. Misy olona eo, misy firenena eo, fa tsy raharahin’iretsy, fa azy ny sandry : « ity anareo, ity anareo…, Madagasikara an’i …, Egypte an’i …. », tena voazara. Ary any ilay fifanarahana voasonia tamin’izany vanim-potoana izany. Dia mitovy amin’ity and.17 ity, izay manao ny tsara indray dia hoe aiza ilay fitsaran’i Jehovah ? Tafianay ianareo fa ianareo kely sandry, potehinay ianareo fa anay ny fahefana. F’angaha izany io Jehovah Andriamanitra io !?! Atsonika ianao, rehefa ratsy loha ohatran’izany. 25 taona taty aoriana latsaka, 1914, izy mianakavy indray no zarazaraina, izy indray no natsonika. Ary rehefa mbola mitohy ny nataony, mbola natsonika fanindroany indray, tsy ampy 20 taona taty aoriana, ary izay no nahafaka an’i Madagasikara.

Ry havako malala ao amin’ny Tompo, mivononà ianao hihaona amin’ny Tomponao. Tsy sangisangy io, tsy vazivazy io, fa Andriamanitra tsara io, ary mivononà hihaona Aminy. Tena faly mihitsy aho satria maheno izao Washington, fa tamin’ity taona ity, nitsangana ny fifohazana any Washington DC, renivohitry Etats-Unis ; tsy nisy hatramin’ny naha-tany ny tany izany. Fa hitan’ny Amerikana fa tsy sangisangy izany Jesoa Kristy Tompo, ary faly ery ry zareo hoe « ametraho tanana indray Pasteur an ! » ; faly ery Washington, faly ery Canada, fa isika eto Madagasikara, isika eto Isotry Fitiavana, manana izay fifaliana izay ve ?

Fa mivononà hihaona amin’ny Tomponao fa efa tonga ny irany, ary mivononà hihaona amin’ny Tomponao fa ho avy Izy tenany.
Amena

Pasteur RAKOTONDRABE Andrianaharijaona Ndrianja

Talen'ny FIFA

FOIBE FJKM